Мастантуоно: Јамал е подобар играч од мене, тој покажува неверојатно ниво

Фудбалерот од средниот ред на Реал Мадрид, Франко Мастантуоно, верува дека напаѓачот на Барселона, Ламин Јамал, е подобар играч од него.

– Јамал е подобар играч од мене, тој покажува неверојатно ниво и веќе докажа дека поминува низ фантастичен период. Пристигнав во Реал Мадрид и моментално поминувам низ процес на адаптација, кој се надевам дека ќе биде брз, за ​​да можам да се навикнам на ритамот на фудбалот во Европа, изјави Мастантуоно за „Кадена СЕР“.

Осумнаесетгодишниот Аргентинец се пресели во Реал Мадрид во август. Оваа сезона, тој постигна еден гол и имаше една асистенција во 12 натпревари во сите натпреварувања.