Мацут: За да се активираат средствата за Србија од Планот за раст на ЕУ за Западен Балкан, потребно е продолжување на реформите

Премиерот на Република Србија, Ѓуро Мацут, денеска одржа состанок со претставници на ресорните министерства фокусиран на спроведувањето на активностите од Агендата за реформи, чија цел е забрзување на економскиот развој, зајакнување на институциите и понатамошно приближување на државата кон европските стандарди.

Мацут изјави дека навременото исполнување на обврските од Агендата за реформи е неопходно за продолжување на реформските процеси, економскиот раст и активирањето на средствата предвидени со Планот за раст на ЕУ за Западен Балкан.

Тој нагласи дека се потребни дополнителни напори во областите на енергетиката, внатрешните работи и правдата и додаде дека е важно да се обезбеди ефикасно спроведување на сите претстојни активности.

„Србија е јасно посветена на продолжување на својот европски пат и дека реформските процеси предвидени со Агендата за реформи не се само административни активности, туку конкретни мерки кои придонесуваат за модернизација на државата и директно влијаат на подобрувањето на секојдневниот живот на граѓаните“, соопштија од Владата на Србија.