Нивото на водата во Охридското Езеро 15 сантимери над месечниот просек

Нивото на водата во Охридското Езеро денеска се наоѓа на котата 693,5 метри надморска височина. Тоа е за 15 сантиметри над просекот за јануари утврден на 693,35 метри надморска височина или 40 сантиметри над дозволениот минимум ( 693,1).

Релативно добрата „кондиција“ на водостојот на езерото се должи на значително подобрената севкупна хидролошка ситуација последица на интензивните врнежи изминатиот период.

Според денешните мерења на Управата за хидрометеоролошки работи, температурата на водата изнесува 6,5 Цалзиусови степени, речиси идентично на месечниот просек (6,8 степени).