НОРАД најавува испраќање на своите авиони во база на Гренланд

Северноамериканската команда за воздухопловна одбрана (НОРАД) објави дека испраќа авиони во базата на американските воздухопловни сили на северозападен Гренланд.

Авионот набргу ќе пристигне во вселенската база Питуфик за да изврши „разновидни, долго планирани активности на НОРАД“, соопшти НОРАД на социјалните мрежи.

„Оваа активност е координирана со Кралството Данска, а сите сили за поддршка работат со потребните дипломатски одобренија. Владата на Гренланд е исто така информирана за планираните активности“, соопшти НОРАД, според американскиот портал Hill.

Се прецизира дека НОРАД редовно спроведува операции во интерес на одбраната на Северна Америка.

Претседателот на САД, Доналд Трамп, постојано изјавува дека има намера да бара анексија на Гренланд кон САД бидејќи тоа го смета како важно за националната безбедност.