Марин Ле Пен убедливо води во анкетите пред претседателските избори во Франција во 2027 година

Француската лидерка на крајната десница, Марин Ле Пен, би освоила 70 проценти од гласовите во вториот круг од претседателските избори во 2027 година во дуел со левичарскиот лидер Жан-Лук Меланшон, според анкетата на агенцијата „Харис Иницијатив“ за телевизијата М6 и радиото RTL.

Според анкетата спроведена по протестите и насилството на 17 октомври, Меланшон би се пласирал во вториот круг, но би претрпел убедлив пораз од Ле Пен.

Во првиот круг, Ле Пен би освоила помеѓу 33 и 35 проценти од гласовите, додека Меланшон би добил помеѓу 17 и 19 проценти.

Поранешниот премиер Едуар Филип би освоил помеѓу 13 и 16 проценти, а европратеникот, Рафаел Гликсман, помеѓу 12 и 14 проценти. Доколку се соочи со Филип во вториот круг, Ле Пен би освоила 57 проценти од гласовите, во споредба со неговите 43 проценти, додека против Гликсман таа би добила 59 проценти, а нејзиниот противник 41 процент.

Анкетата, исто така, покажува дека поддршката за Габриел Атал, другиот кандидат од политичкиот центар, би била помеѓу пет и 11 проценти во првиот круг.

Меѓу другите кандидати, Давид Лиснар би освоил помеѓу седум и осум проценти од гласовите, додека сенаторот Бруно Ретајо од Републиканската партија би добил помеѓу четири и пет проценти. Според резултатите од анкетата, водството на Мартин Ле Пен пред Меланшон во вториот круг е зголемено за три процентни поени во споредба со претходната анкета, објавена на почетокот на октомври.