МВР приведе седум лица кои возеле без возачка дозвола, и еден алкохолизиран додека еден е санкциониран за возење под дејство на алкохол

Полицијата во текот на изминатото деноноќие привеле повеќе лица низ државата поради управување моторни возила без возачка дозвола, а во неколку случаи биле откриени и возачи кои седнале зад воланот под дејство на алкохол, соопшти Министерството за внатрешни работи.

Кај наплатната станица Гостивар бил лишен од слобода Б.М. (38) од Кичево, откако бил затекнат како управува патничко возило „Фолксваген Голф“ без возачка дозвола. Возилото било одземено, а против него ќе биде поднесен соодветен поднесок.

Во Тетово, при сообраќајна контрола на улицата „Илинденска“, полицијата привела 16-годишник кој управувал патничко возило „БМВ“ без возачка дозвола. Возилото е одземено и по документирањето на случајот ќе следува соодветен поднесок.

Во Радовиш бил лишен од слобода Џ.А. (20), кој управувал мопед без да поседува возачка дозвола. Мопедот бил одземен, а за случајот е известен јавен обвинител.

Во Скопје, пак, во повеќе одвоени сообраќајни контроли биле санкционирани четворица возачи кои управувале возила без да стекнат право на управување. Во Инџиково бил приведен Ф.А. (20), на булеварот „Партизански одреди“ бил затекнат З.С. (26), на локалниот пат Петровец–Идризово бил приведен Ј.Д. (40), а на улицата „Горно Лисиче“ полицијата го лишила од слобода Б.М.Х. (24), кој управувал мотоцикл без возачка дозвола. Во сите случаи се најавени соодветни пријави.

Покрај прекршоците поврзани со управување без возачка дозвола, полицијата санкционирала и возачи кои управувале возила под дејство на алкохол.

Во Прилеп бил приведен М.Ш. (45) од селото Житоше, Општина Долнени, откако при сообраќајна контрола било утврдено дека управувал „Фолксваген Голф“ со 2,05 промили алкохол во крвта.

Во одделен случај во Прилеп, 52-годишен мопедист се здобил со тешки телесни повреди откако изгубил контрола и паднал на коловозот. При извршените проверки било утврдено дека возачот управувал под дејство на алкохол, при што му биле измерени 1,03 промили алкохол во крвта. По целосно документирање на случајот ќе следува соодветен поднесок.