Обединетото кралство и Албанија потпишаа договор за споделување на запленети средства стекнати од криминал, што е прв во регионот

Албанија и Обединетото Кралство потпишаа договор за поделба на средствата по завршувањето на случај поврзан со дрога и враќањето на средствата.

Ова е прв договор од ваков вид во регионот и е дел од меѓународна соработка во враќање на средства и борба против организираниот криминал.

-Историскиот договор следува по затворен кривичен случај за заговор за снабдување со канабис на организирани криминални групи под јурисдикцијата на Англија и Велс. По напорите за враќање на средствата од страна на британските и албанските власти кои соработуваа, приходите од криминал беа идентификувани и успешно вратени во Албанија, јави АТА.

Според договорот, средствата добиени од овој случај ќе бидат подеднакво поделени меѓу двете земји, испраќајќи јасна порака до криминалците дека британските и албанските власти ќе ги гонат средствата од организираниот криминал и ќе работат преку границите.

Договорот, е резултат на месеци тесна соработка меѓу британските и албанските органи за спроведување на законот и судските органи, поддржани од соодветните министерства и агенции.

Потпишаниот договор го отвора патот запленетиот имот да се реинвестира за општествено добро во двете земји.