Путин се подготвува да мобилизира уште стотици илјади Руси, вели Зеленски

Рускиот претседател Владимир Путин може да прибегне кон нова масовна мобилизација без официјално да го објави тоа, со цел да изврши притисок врз Европа. Ова го изјави во украинскиот претседател Володимир Зеленски во интервју за украинската телевизија, објави ДПА.

Тајното повикување на стотици илјади Руси за воена служба може да биде насочено не само против Украина, туку и за да се изврши психолошки притисок врз европските земји, смета Зеленски.

Путин продолжува да не покажува подготвеност да ја заврши војната „под фер услови“, рече украинскиот шеф на државата, нагласувајќи дека рускиот претседател е подготвен „да ја ескалира војната во Украина“.

– Наместо тоа, тој се обидува да постигне барем симболични успеси со кои може да ги оправда огромните загуби на сопствениот народ – додаде Зеленски