Зеленски утре ќе допатува во прва официјална посета на Србија

Српскиот претседател Александар Вучиќ ќе биде домаќин на Владимир Зеленски во сабота, 8 август, кој ќе биде во официјална посета на Србија, објави Канцеларијата за односи со медиумите на претседателот на Србија.

Вучиќ потврди дека Зеленски доаѓа во Србија и истакна три теми што ќе бидат на маса – „европскиот пат на Украина и Србија“, билатерална економска и енергетска соработка.

„Не смееме да заборавиме дека Украина не го призна таканареченото независно Косово, дека двапати ги организираше самитите Југоисточна Европа-Украина и дека не покани претставници на Приштина“, рече Вучиќ.

Одговарајќи на прашањето дали Србија ќе се придружи на европските санкции против Русија, претседателот нагласи дека Србија ја воспоставила својата политика пред четири ипол години.

„Володимир Зеленски сигурно, во согласност со својата борба и своите ставови, ќе каже што мисли за санкциите против Руската Федерација. Но, Србија пред четири ипол години изрази ставови и тоа не се променило во претходниот период и ќе остане така до понатамошно известување“, рече Вучиќ.

Агенцијата АФП објави дека Зеленски ќе ја посети Србија за прв пат од почетокот на СВО во 2022 година, нагласувајќи го „симболичното значење на посетата на традиционалниот сојузник на Москва“.

„Треба да ги одвоиме Србите од руската страна“, изјави за АФП неименуван „висок украински функционер“, нагласувајќи дека посетата на Зеленски на Белград е „шлаканица во лицето на Русите“.

АФП додава дека Србија се смета за една од европските земји кои се најсочувствителни кон Москва.

Српските медиуми наспроти посетата на Зеленски, потсетуваат за соработката меѓу Украина и Приштина, при што од Косово се испрати „инструктори“ во Велика Британија, каде што се одвивала операцијата Интерфлекс, што е кодно име за меѓународна воена мисија предводена од Велика Британија, а чија примарна цел е обука на вооружените сили на Украина.

Исто така, се потсетува дека минатата година, Зеленски му честитал на хрватскиот претседател Андреј Пленковиќ за годишнината од операцијата „Бура“, акцијата за време на која било спроведено етничко чистење на Србите од областа каде што тие отсекогаш живееле.

„Му честитав на Андреј и на сите граѓани на Хрватска за Денот на победата и благодарноста кон татковината и Денот на хрватските бранители. Украинците, повеќе од кој било друг, ја разбираат важноста на суверенитетот, територијалниот интегритет и мирот“, напиша Зеленски на својот профил на X.