Премиерното Светско клупско првенство за фудбалерки во 2028 во САД

Првото Светско клупско првенство во женски фудбал ќе се одржи во САД, од 5 до 30 јануари 2028 година, објави Меѓународната фудбалска федерација (ФИФА).

„Оваа одлука е донесена врз основа на искуството во организирањето турнири на ФИФА, инфраструктурата и услугите, како и интересите на засегнатите страни во фудбалот во Соединетите Американски Држави“, образложи ФИФА.

На турнирот ќе учествуваат 19 клубови од сите шест фудбалски конфедерации. Европа ќе има шест претставници, Азија, Африка, Јужна Америка и Конфедерацијата на Северна и Централна Америка и Карибите по три, а еден претставник ќе има Океанија.

Врз основа на континенталниот успех, веќе се потврдени седум учесници, Арсенал од Англија, Барселона од Шпанија, Готам од Америка, Клуб Америка од Мексико, Коринтијанс од Бразил, Вухан од Кина и Наегохјанг од Северна Кореја.