Петер Маѓар: Вонредни напори за продолжување на работата на нуклеарната централа Пакш

Во Пакш се преземаат вонредни напори за одржување на работата на двете преостанати турбини кои работат во нуклеарната централа, објави денеска унгарскиот премиер Петер Маѓар на X.

Тој нагласи дека критични денови ќе бидат вторник и среда, бидејќи тогаш се очекува дополнителен пад на нивото на водата во Дунав за 14-15 см.

„Моментално сме девет сантиметри од нивото на водата што би барало повторно исклучување на претпоследната турбина“, напиша Маѓар.
Според него, од четврток, нивото на водата би можело повторно да се зголеми поради врнежи во австриските сливни подрачја.

Нуклеарната централа Пакш моментално работи со намален капацитет поради историската суша и рекордно ниското ниво на водата на Дунав, што ја лади електраната.