Кубек ја напушти клупата на Чешка

Селекторот на фудбалската репрезентација на Чешка, Мирослав Кубек, поднесе денеска оставка откако неговиот тим беше елиминиран во групната фаза на Светското првенство.

Чешка играше во Групата А и освои само бод во три натпревари, ремизирајќи 1-1 со Јужна Африка, а загуби од Јужна Кореја со 1-2 и домаќинот Мексико со 0-3.

Кубек по заминувањето нагласи дека тимот скапо го чинеле „глупави грешки“, како и исцрпеност од напорното патување за време на првенството.

„Медиумската кампања против мене, заснована на низа полувистини и измислици, исто така, придонесе за мојата одлука. Во таква атмосфера, мојата работа како главен тренер на репрезентацијата повеќе нема смисла“, рече 74-годишниот Кубек, кој ја однесе Чешка на Светско првенство прв пат од 2006 година.

Сепак, за време на Светското првенство, Кубек беше подложен на жестоки критики за неговиот дефанзивен пристап кон играта, а особено за неговата одлука да го стави на клупата најдобриот напаѓач Патрик Шик во клучниот натпревар против Мексико. Чешка го загуби тој натпревар со 3-0, со што го заврши своето учество на мундијалскиот турнир.