Во Србија приведени четири лица кои печателе лажни дипломи и документи, заработиле над 170.000 евра

Српската полиција приведе четири лица поради постоење основи на сомнение дека сториле кривични дела здружување за извршување кривични дела и фалсификување документи, во подолг временски период во нелегална печатница во Белград.

Од октомври 2025 година до денес, осомничените изработиле повеќе од 120 лажни, фалсификувани документи од сертификати, дипломи од разни средни, високи и високообразовни институции, уверенија за положени испити, магистерски дипломи,  со намера клиентите да ги користат како да се вистински и добиени преку легални начини.

На тој начин, осомничените се стекнале со противправна имотна корист од околу 20 милиони динари (170.350 евра).

При претреси на адреси во Белград и Нови Пазар, пронајдени се фалсификувани документи, дипломи, сертификати, како и телефони и нелегална печатница во Белград со опрема за производство на фалсификувани документи. Исто така, пронајдени се и конфискувани 44.550 евра