Хукстра: Резултатите од неодамнешните конференции за климатските промени се разочарувачки

Резултатите од повеќето неодамнешни конференции на ОН за климатските промени (КОП) не ги исполнија поамбициозните мерки за кои научниците велат дека се потребни за справување со климатските промени, изјави денеска комесарот на ЕУ за клима, Вопке Хукстра.

– Ако погледнеме што всушност бара проблемот и каде треба да се постави летвата, и што постигнале повеќето од КОП во последните пет, шест, седум, осум години, тогаш само мора да признаеме дека резултатите се разочарувачки – рече Хукстра на настан во Брисел организиран од Политико.

Тој додаде дека работата на КОП треба да продолжи, бидејќи тие вклучуваат речиси 200 земји кои донесуваат одлуки со консензус, но и во помали групи земји кои се подготвени побрзо да дејствуваат за борба против глобалното затоплување.