Меркел предупредува: Борбата против глобалното затоплување мора да остане на врвот на агендата

Одлуките за борба против глобалното затоплување не смеат да се доведуваат во прашање или да се ублажуваат, изјави денеска во Берлин поранешната германска канцеларка Ангела Меркел, пренесува агенцијата ДПА.

– Верувам дека е многу важно одлуките што ги донесовме да се спроведат во најголема можна мера – рече Меркел за време на реткото јавно појавување на настан организиран од јавниот радиодифузер ВДР (WDR). Таа се потсети на воведувањето на катализаторите и емисионите стандарди за автомобилите, нагласувајќи дека бизнисот секогаш успевал да испорача резултати штом ќе ги дознаел правилата.

Меркел изрази жалење што Кина сега има повеќе електрични автомобили од Германија, предупредувајќи дека климатските промени остануваат итно прашање бидејќи светот се приближува до критичните точки на пресврт. „И покрај сите други работи, борбата против глобалното затоплување мора да продолжи да остане на врвот на агендата“, порача таа со аплауз од публиката.

Поранешната канцеларка говореше на дигиталната конференција „re:publica“, која беше отворена денеска под темата „Никогаш нема да се откажам од тебе“ и ќе трае до среда.