Слот: Галатасарај има многу брзи и опасни фудбалери

Тренерот на Ливерпул, Арне Слот, ги сподели своите очекувања пред првиот натпревар против Галатасарај во осминафиналето на Лигата на шампионите.

Натпреварот ќе се одржи во Истанбул вечер со почеток во 18:45 часот.

-Треба да бидеме добро организирани. Галатасарај има многу силни страни, а една од нив е нивната игра во транзиција. Осимен е одличен напаѓач кој може да постигнува голови на различни начини, но тие имаат и други многу брзи и опасни играчи. Треба да бидеме внимателни и ќе бидеме, но познавањето на силните страни на противникот не значи дека можете да го победите, изјави Слот за сајтот на УЕФА.

Другите три натпревари од елитното фудбалско натпреварување кои ќе се играат вечер се:

Аталанта – Баерн Минхен
Атлетико Мадрид – Тотенхем
Њукасл – Барселона.

Овие средби ќе почнат во 21 часот.