Кипар купува четири системи „Кентаур“ за борба против дронови

Кипар се подготвува да купи четири системи за противдејство на дронови „Кентаур“ (Centaurus), откако ирански дрон „Шахед“ (Shahed-136) ја проби воздушната одбрана на Република Кипар и ја погоди британската база во Акротири на 2 март, пишува кипърското издание на весникот „Катимерини“ .

Официјалните лица очекуваат слабостите во одбраната да бидат отстранети со набавката на системот развиен во Грција. Кипарското министерство за одбрана веднаш пристапува кон купување на системите кои веќе ги користат грчките вооружени сили. Набавката е дел од европската програма за одбрана СЕЈФ (SAFE – Security Action for Europe) и веќе е одобрена во Брисел.

Воената помош од Грција се смета за клучна во Никозија. Грчките ловци „Ф-16 Вајпер“  спроведуваат извидувачки патроли речиси секоја ноќ над воздушниот простор на Кипар на ротациона основа со британски авиони. Системот „Кентаур“ претходно беше успешно тестиран во операциите на грчката морнарица во Црвеното Море против Хутите.