Свет
Американски претставници: Нападот врз Иран ќе биде „далеку пообемен“ од лани, Израел прогласи вонредна состојба
Американски претставници изјавија дека очекуваат нападот врз Иран да биде „далеку пообемен“ од американските напади минатиот јуни врз иранските нуклеарни постројки.
Израелскиот министер за одбрана Израел Кац претходно изјави дека Израел започнал превентивен напад врз Иран за да ги елиминира заканите за безбедноста на земјата и дека е прогласена вонредна состојба низ целата земја.
„Државата Израел започна превентивен напад врз Иран за да ги елиминира заканите за Државата Израел. Вонредна состојба е прогласена низ целата земја“, рече тој, според „Тајмс оф Израел“.
Израелската војска, исто така, соопшти дека извршила бран воздушни напади врз инфраструктурата на Хезболах во јужен Либан, вклучувајќи ги тунелите и местата за лансирање ракети.
февруари 28, 2026
