Кари: Нема да се пензионирам наскоро

Плејмејкерот на Голден Стејт Вориорс, Стеф Кари, изјави дека нема непосредни планови за пензионирање.

– Времето за пензионирање ќе дојде природно. Кога ќе биде? Не мислам дека ќе биде наскоро, изјави Кари во интервју за „People“.

Триесет и седумгодишниот кошаркар истакна дека се обидува да не се задржува на темата, бидејќи мислите за пензионирање го одземаат вниманието од сегашноста.

– Уживам во натпреварувачкиот процес и целата работа што е вложена во него. Се надевам дека тоа ќе има позитивно влијание врз исходот, додаде тој.

Кари е четирикратен шампион на НБА (2015, 2017, 2018, 2022) и МВП на финалето на НБА во 2022 година. Тој освои златен олимписки медал и две светски првенства со тимот на САД.