Од Австрија лани репатрирани најголем број осудени лица откако почна да се води статистика

Во 2025 година, Австрија вратила 208 лица во нивните матични земји за да ги издржат своите казни, објави австрискиот јавен радиодифузен сервис повикувајќи се на бројки од австриското Министерство за правда.

Тоа е најголем број странци осудени во Австрија откако податоците почнаа да се евидентираат во 2013 година. Лани, бројот беше 167, а пред десет години, 144.

Покрај тоа, вкупно 394 лица со забрана за влез или престој биле приведени и репатрирани. Министерството за правда сака да ја прошири практиката на „издржување казна во матичната земја“.

Зголемениот трансфер на затвореници во земјата на потекло е „важно прашање со цел да се олесни состојбата на локалните затвори и да се овозможи подобра ресоцијализација на затворениците во нивните матични земји“, се вели во соопштението на Министерството за правда.

Голем дел од барањата и трансферите се однесуваат на други земји од ЕУ или европски земји. Правната основа е рамковна одлука на Европската унија од 2008 година и Конвенцијата на Советот на Европа за префрлање осудени лица.

„Префрлањето во матичната земја не е директно поврзан со кривичното дело, туку со должината на казната изречена во Австрија“, објасни Министерството за правда.