Ван Нистелрој го засили стручниот штаб на Холандија

Поранешниот напаѓач на Манчестер јунајтед, Руд ван Нистелрој, од 1 февруари ќе му се приклучи на стручниот штаб на холандската репрезентација, пред Светското првенство оваа година, објави Холандската фудбалска асоцијација.

Ван Нистелрој ќе биде помошник тренер на селекторот Роналд Куман.

За Ван Нистелрој (49) ова ќе биде трет мандат како помошник тренер во холандската репрезентација, по претходните мандати од 2014 до 2016 година и за време на ЕУРО 2020.

Ван Нистелрој, кој во клупската кариера настапуваше и за ПСВ Ајндховен и Реал Мадрид, одигра 70 натпревари за Холандија, постигнувајќи 35 голови, во периодот од 1998 до 2012 година.

Како тренер, го предводеше ПСВ Ајндховен во сезоната 2022-2023 пред да се приклучи на Манчестер Јунајтед како помошник тренер на Ерик тен Хаг. Само четири натпревари подоцна, Тен Хаг беше отпуштен, а Ван Нистелрој му се приклучи на Лестер во ноември 2024 година пред да го напушти клубот во јуни 2025 по испаѓањето од Премиер лигата.