Регион
Почна производството на нафтени деривати во Рафинеријата во Панчево, објави српската министерка за енергетика
Производството на нафтени деривати во Рафинеријата во Панчево почна денеска, а првиот евродизел ќе биде на пумпите од 27 јануари, објави министерката за рударство и енергетика на Србија, Дубравка Ѓедовиќ Хандановиќ.
„По пауза од речиси два месеца, производството на нафтени деривати во Рафинеријата во Панчево започна денеска! Речиси 2.000 вработени работат на производството, а евродизелот ќе биде достапен на пумпите од 27 јануари“, објави Ѓедовиќ Хандановиќ на социјални мрежи.
Таа истакна дека е горда на фактот што ветувањето дадено на граѓаните е исполнето.
јануари 18, 2026
