Зеленски: Русија се обидува целосно да ги згасне и уништи украинските градови

Украинскиот претседател Володимир Зеленски во своето вечерно видеообраќање упати обвинувања дека Русија преку немилосрдни воздушни напади се обидува целосно да ги згасне и уништи украинските градови.

– Русите го искористуваат времето – студениот бран – и се обидуваат да погодат што е можно повеќе наши енергетски објекти, изјави Зеленски, посочувајќи дека по Днипро, Запорожје, Криви Риг и Одеса, на удар на последната серија напади се најде и престолнината Киев.

Според него, главната тактика на Москва е да предизвика целосен прекин на снабдувањето со електрична енергија, вода и греење во нападнатите градови.

Зеленски истакна дека овие дејствија покажуваат оти Русија воопшто не се грижи за дипломатијата и за мировните напори на Соединетите Американски Држави.

Тој посебно се осврна на употребата на нуклеарно способната ракета со среден дострел „Орешник“ во нападот врз Лвовската област во западна Украина, во близина на границата со ЕУ и НАТО.

Зеленски оцени дека ова претставува еднаков безбедносен предизвик и за Варшава, Букурешт, Будимпешта и многу други европски метрополи. Ова беше втора употреба на ова моќно оружје од почетокот на војната.