Роналдо носи играч на Реал Мадрид во Саудиска Арабија

Поранешниот играч на Реал Мадрид, сега член на Ал Наср, Кристијано Роналдо активно „работи“ на засилувања за својот клуб од европски екипи. Тој во своите планови го има Антонио Рудигер.

Договорот на играчот од одбраната на „кралскиот клуб“ му истекува на лето и со тоа тој ќе стане слободен играч. Рудигер сè уште нема потпишано нов договор. Тоа воедно значи дека тој ќе може да преговара за нов трансфер во последните шест месеци од актуелниот договор.

Германскиот играч од одбраната најверојатно нема да остане во Мадрид и од причина што Реал Мадрид планира да направи трансформација на одбраната и Рудигер не се вклопува во тие планови, особено што во март ќе наполни 33 години.