Клиперси ги победија Лејкерси прекинувајќи ја серијата од пет порази

Лос Анџелес клиперс утрово ги победија Лос Анџелес лејкерс во домашен натпревар од НБА-лигата со 103:88.

Кавај Ленард го предводеше својот тим до победата со 32 поени и 12 скока. Џејмс Харден исто така имаше дабл-дабл со 21 поен и 10 асистенции.

Кај Лејкерс најефикасен беше Леброн Џејмс со 36 поени.

Клиперси ја прекинаа серијата од пет порази. Тимот победи во седум од 28 натпревари и се наоѓа на 14. место во Западната конференција. Лејкерси, со 19 победи и осум порази, се на четвртото место.