Просинечки нов селектор на Киргистан

Поранешниот фудбалер од средниот ред на Реал Мадрид и Барселона, Роберт Просинечки, е назначен за селектор на репрезентацијата на Киргистан. Договорот е за една година и еден месец, објави Киргистанскиот фудбалски сојуз.

– Европскиот фудбалски стручњак Роберт Просинечки е назначен за селектор на репрезентацијата на Киргистан. Церемонијата на потпишување на договорот се одржа денес, 10 декември, со учество на Камчибек Ташиев, претседател на Киргистанскиот фудбалски сојуз, се вели во соопштението.

Доколку Киргистан добро се претстави на Азискиот куп во 2027 година, договорот автоматски ќе биде продолжен за уште три години.

Претходно, 56-годишниот Просинечки ги водеше репрезентациите на Хрватска, Азербејџан, Босна и Херцеговина, Турција и Црна Гора, како и неколку европски клубови.