Транкиери нема да го замени Жељко Обрадовиќ

Италијанскиот тренер Андреа Транкиери нема да го замени Жељко Обрадовиќ на клупата на белградски Партизан. Дел од медиумите најавуваа дека тренерот и претседателот на клубот Остоја Мијаиловиќ сепак ќе потпишат договор.

До договор не дојде, а тензиите кај „црно-белите“ се зголемија особено што тренерското место е и натаму празно. Дополнителен проблем е и тоа што и другите потенцијални тренери не прифаќаат да седнат на „жешкото столче“ на клупата на Партизан.

Клубот од Белград сепак не е без тренер и на дуелот од Евролигата утре (четврток) против Баерн Минхен ќе ги предводи Мирко Оцокољиќ, кој ја има улогата вршител на должност.

Транкиери две години беше на клупата на Партизан 2018-2020 и замина за баерн Минхен, а последен клуб му беше Жалгирис.