Макрон во посета на Кина

Претседателот на Франција, Емануел Макрон денеска ја почнува тридневната посета на Кина.

Макрон во Пекинг, како што соопшти неговиот кабинет, ќе се заложи за соработка за економските и трговските прашања, насочена кон постигнување рамнотежа која обезбедува „одржлив, солиден раст во корист на сите“.

Франција има за цел да привлече повеќе инвестиции од кинеските компании и да го олесни пристапот до пазарот за францускиот извоз. За време на посетата на Макрон предвидено е да се потпишат неколку договори во секторите за енергетика, прехранбена индустрија и воздухопловство.

Макрон и неговата сопруга Брижит беа пречекани на аеродромот во Пекинг од кинескиот министер за надворешни работи Ванг Ји.

За утре е предвидена средба со кинескиот претседател Си Џинпинг и заедно ќе учествуваат и на француско-кинескиот бизнис форум.