Одбиена жалбата на Евертон – црвениот картон останува

Тренерот на Евертон Дејвид Моес изјави дека Фудбалската федерација на Англија ја одбила жалбата за црвениот картон на Идриса Геј, кој на натпреварот во понеделникот со Манчестер Јунајтед му удри шлаканица на соиграчот Мајкл Кин.

Жалбата е одбиена без образложување, а тоа значи дека Геј ќе ги пропушти натпреварите од Премиер лигата против Њукасл, Борнмут и Нотингем Форест.

Евертон и покрај исклучувањето на Геј во 13. минута, со играч помалку успеа да стигне до победа на „Олд Трафорд“ со 1:0. Клубот од Ливерпул на социјалните мрежи објави и фотографија на Кин и Геј, двајцата прегрнати со боксерски ракавици.