Јокиќ го забележа својот трет последователен трипл-дабл

Центарот на Денвер нагетс, Никола Јокиќ, оствари трипл-дабл, на трет последователен натпревар во НБА-лигата.

Во натпреварот одигран ноќеска на гостински терен против Њу Орлеанс пеликанс (125:118), Србинот постигна 28 поени, 11 скока и додаде 12 асистенции.

Во претходниот натпревар против Чикаго булс (127:130), Јокиќ постигна 36 поени, 18 скока и додаде 13 асистенции. Во натпреварот со Минесота тимбервулвс (123:112), тој имаше 27 поени, 12 скока и 11 асистенции.

Јокиќ одигра 14 натпревари оваа сезона, со просек од 29,1 поен, 13,2 скока и 11,1 асистенции.