Националниот џез оркестар заминува на европска турнеја

Националниот џез оркестар денеска заминува на европска турнеја под наслов „Macedonian Dreams“, која ќе трае до 17 ноември 2025 година и ќе ги опфати градовите Будимпешта, Прага и Виена.

Турнејата ќе започне во Будимпешта, во престижната ELTE Aula Magna Hall, ќе продолжи на 14 ноември во Прага, во La Fabrika, и ќе заврши на 17 ноември во Виена, во реномираниот џез клуб Porgy & Bess – еден од најпрестижните џез клубови во Европа, домаќин на врвни светски џез музичари.

„Macedonian Dreams“ („Македонски сновиденија“) е уникатна фузија на македонски фолклорни мотиви и современ џез, вистинска музичка приказна која Националниот џез оркестар со гордост ја носи на европските сцени, претставувајќи ја македонската културна и музичка традиција во современ контекст.

Диригент е маестро Владимир Николов.