Кос за Србија: Власта во Белград е за членство во ЕУ, но спроведувањето реформи значително забавено

Еврокомесарката за проширување, Марта Кос, денеска изјави дека властите во Србија продолжуваат да го прогласуваат членството во Европската унија за стратешка цел, но спроведувањето на реформите значително се забавило, поради што е потребно тие да се забрзаат и државата да се усогласи со надворешната и безбедносната политика на Унијата.

„Забележани се позитивни примери во последно време, но Србија мора да докаже дека сериозно спроведува реформи во областа на фундаменталните права и да продолжи да се усогласува со заедничката политика на ЕУ“, рече Кос, која нагласува дека сите други земји од Западен Балкан се 100 проценти усогласени со политиката на ЕУ, освен Косово, кое не се следи во процесот.

Србија е на 62 проценти, рече таа.
Потребна е проактивна комуникација меѓу владата и граѓаните за пристапувањето во ЕУ, избегнувајќи анти-ЕУ реторика, особено против членовите на Европскиот парламент, нагласи Кос.

Се очекува Србија да го надмине застојот во судските реформи, итно да го промени трендот на намалување на слободата на медиумите, слободата на изразување и универзитетската автономија, за да обезбеди напредок во изборните реформи, бидејќи сето ова е она што го бараат граѓаните на Србија, заклучи Кос.