Нејмар со неколку варијанти за продолжување на кариерата

Иднината на бразилскиот фудбалер Нејмар е неизвесна особено што на крајот на годината му истекува договорот со Сантос. Медимуите во еден момент го „преселија“ во Европа во Серија А, но од тоа најверојатно нема да има ништо.

Според бразилските медиуми во опција е и останување во Бразил во сегашниот клуб.

Во оптек е и варијанта за премин во МЛС лигата и настап во Интер Мајами, каде би настапувал заедно со соиграчите од Барселона Лионел Меси и Луис Суарез.

Секако за Нејмар прва опција е да најде клуб што би му помогнало да се најде на списокот на фудбалери за Светскиот куп 2026, затоа тој сака трансфер пред се во Европа, но проблем е што ниту еден клуб не го сака во своите редови.