Хејсен можеше да се приклучи на ПСЖ во 2024 година

Агентот на дефанзивецот на Реал Мадрид, Дин Хејсен, Али Барат, откри дека Пари Сен Жермен беше заинтересиран да го ангажира шпанскиот фудбалер во 2024 година.

– Луис Кампос беше првиот што го препозна потенцијалот на Хејсен. Сепак, Дин сметаше дека ќе има повеќе можности да игра редовно во Борнмут отколку во ПСЖ. Кога Реал Мадрид ни пристапи со понуда, тие покажаа најголем интерес и презентираа проект што совршено се совпаѓаше со нашиот долгорочен развој. За Дин, Реал Мадрид претставуваше вистинска визија за иднината, изјави Барат „Фут Меркато“.

Дваесетгодишниот Шпанец минатото лето се пресели од Борнмут во Реал Мадрид за 62,5 милиони евра. 

Во тековната сезона, Хејсен одигра пет натпревари во сите натпреварувања и имаше една асистенција.