Еклстоун го критикува Мекларен за размена на позициите на Пјастри и Норис на ГН на Италија

Поранешниот директор на Формула 1, Берни Еклстоун, даде свој коментар за наредбата на менаџментот на Мекларен до возачот Оскар Пјастри да му го врати второто место на клупскиот колега Ландо Норис на крајот од Големата награда на Италија.

Кратко пред финишот, Британецот, кој беше втор во трката зад Макс Верстапен од Ред Бул, влезе во боксот, при што изгуби многу време. Поради ова, заврши зад Пјастри, но тимот му нареди на австралискиот возач да го пропушти Норис. Ландо заврши на второто место, Оскар на третото.

– Секогаш зборуваат за фер плеј. Но, дали е фер што Пјастри беше казнет за тимска грешка? Не. Почнува да се чувствува како тимот да претпочита да види шампион во Ф1 по име Ландо Норис. Грешките како бавни запирања во боксот, дефекти на моторот и суспензијата можеби станаа поретки, но тие се дел од спортот, изјави Еклстоун.

Пјастри останува на чело во генералниот пласман на возачи со 324 бода. Норис има 293 и е втор.