Свет
Пенс: Путин ќе нападне членка на НАТО ако победи во Украина
Поранешниот американски потпретседател Мајк Пенс изјави дека „нема сомнеж“ оти Русија ќе нападне земја-членка на НАТО доколку оствари победа во Украина, јави Би-Би-Си.
– Такво сценарио би ги принудило САД и европските сојузници на директен воен судир со рускиот претседател Владимир Путин, предупреди Пенс, кој беше потпретседател во претходниот мандат на претседателот Доналд Трамп.
Во изјава за Би-Би-Си, тој нагласи дека во таков случај улогата на Вашингтон би била да обезбеди поддршка, додека европските партнери треба да ја преземат водечката улога во одбраната.
Пенс ги пофали и напорите на таканаречената „коалиција на подготвените“ за обезбедување безбедносни гаранции за Украина, оценувајќи дека тие можат да создадат услови за траен мир и да испратат силна порака до Кремљ.
септември 7, 2025
Евробаскет 2025: Литванија го елиминираше домаќинот Летонија
Неколку пожарникари повредени во пожарот во Винчини: Чизмите им останале заглавени во стопен шеќер
