Апелацискиот суд пресуди против политиката на Трамп за признавање само на два пола во САД

Апелацискиот суд на САД ја потврди пресудата на понискиот суд со која ѝ беше наредено на администрацијата на Доналд Трамп да продолжи со издавање пасоши со Икс или графата за ознака на полот за трансродови или небинарни лица.

Трамп потпиша извршна наредба со која во САД се признаваат само два пола – машки и женски, а Стејт департментот престана да издава пасоши со Икс или ознаката за различен пол од тој при раѓање.

Во јуни, американски судија ѝ нареди на администрацијата да продолжи со издавање на такви пасоши. Владата поднесе жалба, но Апелацискиот суд ја отфрли жалбата и го потврди заклучокот на понискиот суд дека одлуката на администрацијата ќе предизвика непосредна и неповратна штета на засегнатите лица.

Првиот американски пасош што го означи полот како Икс беше издаден во октомври 2021 година од страна на Стејт департментот.