Започнува AERO Street Food Festival

Од 5ти до 8ми септември, паркот „Авионче“ во Аеродром ќе стане голема урбана сцена за вкус, музика и забава! Првиот AERO Street Food Festival ќе обедини улична храна од најпознатите брендови, енергични настапи и предизвици кои ќе внесат дополнителна возбуда за сите генерации. 

Гурманите ќе имаат можност да дегустираат специјалитети од повеќе од 14 брендови, како Jojo’s BBQ, Oljo’s, Fat Kitchen, Sorelle Focaccia, Lora’s Sushi, Bistro 64, 15 за 12, Milkey, Destan, Smash Burger, La Pizza, Ноа Гирадико, Трансвиланиско тврдло, Scoop Gelato и други – спој на македонски, италијански, американски и азиски вкусови. 

На музичката сцена ќе настапат Рингтонс, Southpark, Breakdown Band, Goce SAF, DJ Aleksandar Jordanov, DJ Marko, DJ Micov, DJ Shime, DJ Mono, DJ Foodieman, DJ Guardian и DJ Fico. 

А за уште повеќе енергија секоја вечер ќе има забавни натпревари: јадење ќебапи, хартиени авиони, тривиа квизови и трка со награди за најдобрите. 

Влезот е бесплатен, а програмата секој ден започнува од 17:30 и трае до доцна во ноќта. 

AERO Street Food Festival е ново урбано доживување во Скопје место каде што храната, музиката и забавата се спојуваат во едно. Настанот се реализира со поддршка од општина Аеродром.