Путин ја нападна Европа: „Ширите хистерија против Русија“

Владимир Путин ја обвини Европа дека шири „хистерија“ и „страшни приказни“, откако Франција и Германија предупредија на можен руски напад.

За време на посетата на Кина, Путин изјави дека тврдењата на европските лидери дека Русија еден ден би можела да нападне подлабоко во Европа претставуваат „хистерија“ и „страшни приказни“.

Вчера француските болници добија наредба да се подготват за можен воен конфликт во Европа, додека Германија соопшти дека е во состојба на приправност поради руските воени вежби.

Француското Министерство за здравство наложи на здравствените институции ширум земјата да се подготват за можен „голем судир“ до март 2026 година. Според владата, Франција би можела да стане поддржувачка држава со капацитет за згрижување голем број ранети војници од Франција и од други европски земји.

Во меѓувреме, германскиот началник на одбраната Карстен Бројер изјави дека НАТО и германските сили ќе бидат во приправност пред руските воени вежби. Тој нагласи дека иако не очекува силите на Владимир Путин да нападнат територија на НАТО додека Русија спроведува воени тренинзи во Белорусија во рамки на вежбата „Запад 2025“, неговата земја ќе „остане на опрез“.

Рускиот лидер, исто така, тврдеше дека Москва никогаш не била против потенцијалното членство на Украина во Европската унија и дека смета оти е можно да се постигне консензус за обезбедување на безбедноста и на Русија и на Украина, пишува Daily Mail.

За Украина во 2022 година, Путин истакна дека Русија била приморана да реагира на она што го нарече обид на Западот, со помош на НАТО, да го апсорбира целиот пост-советски простор, со сериозни безбедносни импликации за Москва.

„Што се однесува до членството на Украина во ЕУ, никогаш не сме биле против тоа,“ рече Путин за време на разговорите во Кина со словенечкиот премиер Роберт Фицо. „Но што се однесува до НАТО – тоа е друга тема.“

Путин изјави дека за безбедноста на Украина разговарал и на самитот на 15 август во Алјаска со американскиот претседател Доналд Трамп.

„Постојат опции за обезбедување на безбедноста на Украина во случај на завршување на конфликтот,“ рече Путин. „И ми се чини дека постои можност овде да се најде консензус.“