Шарапова примена во тениската Куќа на славни

Русинката Марија Шарапова ги изненади дсвоите обожаватели избирајќи ја Американката Серена Вилијамс да ја претстави на денешната церемонија на воведување во Меѓународната тениска куќа на славните.

Вилијамс предизвика овации од публиката додека се појавуваше во Њупорт, Род Ајленд, а потоа одржа говор во чест на својата „поранешна ривалка и вечна пријателка“, пренесуваат западните агенции.

„Има само неколку тенисерки во мојата кариера кои ме предизвикаа да бидам најдобра секогаш кога ќе стапневме на теренот“, рече Вилијамс, која има право да биде примена во Куќат на славните во 2027 година. „Марија Шарапова беше една од нив. Секогаш кога го гледав нејзиното име до моето на ждрепката, се грижев да вежбам понапорно.“

Првата Русинка која стигна до бројот 1 на ВТА ранг-листата и една од само десетте тенисерки што освоија грен слем титула во кариерата, Шарапова беше придружувана во класата 2025 од легендарните шампиони во двојки, браќата Мајк и Боб Брајан.

Членовите на Куќата на славните Мартина Навратилова, Џим Куриер, Стен Смит и Енди Родик беа меѓу присутните, облечени во своите сини јакни од Куќата на славните.