Судирот со Рабио го забрза трансферот, Роу се пресели во Болоња

Англискиот напаѓач Џонатан Роу (22) се приклучи на италијанскиот прволигаш Болоња од француски Марсеј, потврдија денеска двата клуба, без да објават детали околу цената или времетраењето на трансферот.

Трансферот на англискиот репрезентативец до 21 година доаѓа откако беше вмешан во тепачка со францускиот играч од средниот ред, Адриен Рабио, во соблекувалната на Марсеј минатата недела по поразот од Рен во првото коло, што го натера претседателот на клубот, Пабло Лонгорија, да ги стави двајцата играчи на трансфер листата.

За Рабио, кој има уште една година од договорот со Марсеј, заинтересирани се од поранешниот клуб Јувентус и Интер.