Сон: Возбуден сум за новиот предизвик во МЛС

Корејскиот фудбалер Сон Хеунг-мин го коментираше неговиот трансфер во Лос Анџелес.

-Неверојатно сум горд што се приклучувам на Лос Анџелес, клуб со големи амбиции во еден од најзначајните спортски градови во светот. Лос Анџелес има богата историја, а јас сум тука да помогнам да се напише следното поглавје.
Возбуден сум за новиот предизвик во МЛС. Дојдов во Лос Анџелес за да освојувам трофеи и да дадам сè што имам на овој клуб, овој град и неговите навивачи. Едвај чекам да почнам, изјави Сон за клупскиот сајт на американскиот тим.

Триесет и тригодишниот Кореец потпиша договор со американскиот клуб до 31 декември 2027 година. Тој во Лос Анџелес дојде од англискиот премиерлигаш Тотенхем.