Расчистена дива депонија во општина Ѓорче Петров

Екипите на јавното претпријатие „Комунална хигиена“ отстраниле обемна дива депонија лоцирана на улицата „Лихнида“, во Општина Ѓорче Петров.

– Во рамките на реализираните активности на посочената локација беа подигнати и транспортирани приближно 30 кубни метри кабаст, градежен и градинарски отпад одложени на јавна површина – информираа од претпријатието.

Оттаму додаваат дека од почетокот на март, нивните екипи расчистиле вкупно 1.260 кубни метри отпад од диви депонии на територијата на градот Скопје, а најголемо количество непрописно одложен отпад – 280 кубни метри, било отстрането во општината Карпош.

Воедно, биле подигнати и транспортирани 6.250 тони мешан комунален отпад од домаќинствата во сите скопски општини.