Табаковиќ: Инфлацијата во Србија до септември во рамките на целните граници, раст на БДП од 3,5 проценти

Инфлацијата во Србија ќе се движи околу целната вредност од три – плус или минус 1,5 проценти до септември, а до крајот на годината ќе биде околу 4,0 проценти, изјави денеска гувернерката на Народната банка на Србија, Јоргованка Табаковиќ.

„Меѓугодишната инфлација до септември оваа година ќе биде околу централната вредност на целта, која е три проценти, со отстапување од плус или минус 1,5 проценти, а поради ефектот на ниската основа на крајот на годината, ќе биде околу четири проценти“, рече таа.

Според најновите проекции на НБС презентирани во „Извештајот за инфлацијата – февруари 2026 година“, движењето на инфлацијата ќе биде под влијание на истекот на регулативата за ограничување на маржите, додека усвојувањето нов закон за нефер трговски практики ќе придонесе за спречување на враќањето на маржите на нивото пред усвојувањето на регулативата. 

Јануарската инфлација изнесуваше 2,4 проценти, додека во последниот квартал од минатата година инфлацијата беше малку под целта, во декември беше 2,7 проценти на годишно ниво.

Според проценката на НБС, растот на бруто домашниот производ (БДП) во Србија, што изнесуваше два проценти во 2025 година, ќе изнесува 3,5 проценти оваа година.

Табаковиќ изјави дека растот на БДП ќе биде поттикнат од домашната побарувачка и инвестициите.