Општина Ѓорче Петров: Изградбата на новата детска градинка во населбата Дексион се одвива со засилена динамика

Изградбата на новата детска градинка во населбата Дексион се одвива со засилена динамика, информираат од Општина Ѓорче Петров.

Станува збор за значаен инфраструктурен зафат во областа на предучилишната заштита, чија цел е обезбедување современи и безбедни услови за згрижување на децата, вели  градоначалникот Александар Стојкоски .

„Новата градинка не е само објект, туку инвестиција во иднината. Со нејзината изградба создаваме простор кој ќе одговори на потребите на семејствата од овој дел на општината, со фокус на безбедност, енергетска ефикасност и квалитетни услови за престој и развој на најмладите“, изјави Стојкоски.

Од Општината посочуваат дека објектот ќе биде изграден согласно современи стандарди, со функционални и модерно опремени простории, како и со уреден дворен простор што ќе овозможи безбедна игра и престој на отворено.