Алегри: Не беше лесно да се игра против Пиза

Тренерот на Милан, Масимилијано Алегри, ги искажа впечатоците по синоќешната победа со 2:1 над Пиза на гости во 25. коло од Италијанското фудбалско првенство.

– беше лесно бидејќи е тешко да се игра против Пиза. Тие создаваат впечаток дека не прават ништо, но потоа можат да нападнат на контранапад – така нè измамија. Земаме три бода, но по ваков натпревар, навистина треба да се подобриме. Овој тим има технички квалитет, но од време на време ја губиме концентрацијата – тука сè уште треба да се подобриме. Целата сезона може да се промени за една недела, изјави Алегри.

Го пофали ветеранот Лука Модриќ кој го постигна победничкиот гол во 85.минута.

– Покрај неговата извонредна техника, Модриќ навистина беше желен да излезе таму и да ја извојува таа победа на крајот. Сите треба да учиме од неговиот карактер и неверојатна скромност. Многу сме среќни што го имаме, а младите играчи треба да ја искористат максимално можноста да работат со него. 

Милан, со 53 бода по 24 натпревари, е втор на табелата во Серија А.