Полицијата на Корзика уби маж кој се заканувал со нож

Француската полиција денеска уби маж на Корзика кој се заканувал со нож на полицаец, јавија локалните медиуми.

Инцидентот се случил околу 12:30 часот по локално време а мажот се движел низ центарот на Ајачо, минувајќи покрај палатата на Наполеон и полициската префектура.

Канцеларијата на локалниот обвинител ја отфрли претпоставката за терористички напад, наведувајќи дека полицијата прво се обидела да го смири напаѓачот со пиштол со благ електричен шок.

Откако напаѓачот продолжил со заканата, полицајците го застрелале со огнено оружје.

Според првичните информации од истрагата, станува збор за 26-годишен маж со белгиски пасош по име Мухамег Геџе. Тој влегол во Франција со студентска виза.