Акција на МВР: Приведен поранешниот директор на УВМК, Бујар Дарлишта и уште десетина други лица за економски криминал

Ноќеска во акција на Бирото за јавна безбедност приведени се повеќе лица меѓу кои и Бујар Дарлишта, поранешен директор на Управата за водење матични книги, кадар на ДУИ. 

Информацијата во изјава за медиумите ја потври министерот за внатрешни работи Панче Тошковски, кој присуствуваше на промоција на фотоволтаична централа поставена на Центарот за обука на МВР – донација на ОКТА.

Претходно, од Основното јавно обвинителство за гонење организиран криминал соопштија дека ноќеска била спроведена акција на повеќе локации во Скопје и Куманово.

-Под раководство на јавен обвинител од ОЈО ГОКК, полициски службеници од Одделот за сузбивање на организиран и сериозен криминал при БЈБ – МВР од ноќеска спроведуваат активности на повеќе локации во Скопје и Куманово, поради постоење на основано сомневање за сторени кривични дела од финансиско економска природа,  се наведува во соопштението.

Повеќе детали најавуваат дека ќе бидат споделени по завршување на теренските активности.