Вести
Алиу во обиколка на Клиника за ТОАРИЛУЦ: Во завршна фаза комплетното реновирање на КАРИЛ и на четири операциони сали во хируршкиот оперативен блок
Министерот за здравство Азир Алиу денеска ја посети Универзитетската клиника за трауматологија, ортопедски болести, анестезија, реанимација и интензивно лекување и Ургентен центар (ТОАРИЛУЦ).
– Комплетното реновирање на КАРИЛ е во завршна фаза и во најскоро време очекуваме овој простор да биде пуштен во употреба за пациентите. Се финализира и реновирањето на хируршкиот оперативен блок, каде се опфатени четири операциони сали во прва фаза. Во втора фаза е предвидена и нова операциона сала во рамки на Ургентниот центар, со што оваа Клиника ќе добие уште една сала за помали интервенции, истакна Алиу по обиколката на Клиниката за ТОАРИЛУЦ.
На средбата со директорот на Клиниката, д-р Игор Мерџаноски беа разгледани можностите за набавка на нова најсовремена медицинска опрема наменета за КАРИЛ и за оперативниот блок, во насока на унапредување на условите за третман на пациентите, соопшти Министерството за здравство.
декември 6, 2025
Чучуљ: Ја поздравуваме секојa иницијатива за борба против корупцијата, ќе постапуваме секаде каде има основ
Јаневска: Универзитетите со најдобри резултати ќе добијат најмногу средства од државниот буџет
Стојаноска: Морален чин е и Филипче да си поднесе оставка, потребна е вистинска опозиција, а не собирање на политички поени
