Мнозинството од судскиот совет на Врховниот суд на Бразил ја отфрли жалбата на Болсонаро против пресудата

Мнозинството од судиите во советот на Врховниот суд на Бразил ја отфрлија жалбата на поранешниот претседател на земјата, Жаир Болсонаро, по што тој ќе мора да ја отслужи 27-годишната затворска казна, која му беше изречена за организирање државен удар за да остане на власт откако ги загуби изборите.

Известувачот за овој случај, судијата Александар де Мораес, ги отфрли сите аргументи на одбраната, нарекувајќи ги „неодржливи“ и рече дека немало грешки во изрекувањето на пресудата.

Двајца други судии се согласија со Мораес. Гласањето на судијката Кармен Лусија сè уште се чека, но се очекува дека таа ќе биде во согласност со другите членови на советот, кои мора да се изјаснат до 14 ноември.

Болсонаро беше осуден во септември за обид за државен удар во 2022 година. Тој е во домашен притвор од август.

Неговите адвокати поднесоа жалба на 28 октомври за намалување на казната.

Советот има пет члена. Една членка, Луиз Фукс, која беше единствената што го поддржуваше Болсонаро, повеќе не е во советот.